Aste honetan, talde osoak bat egin eta goizeko saio guztia denak elkarrekin dihardugu. Ondo moldatzen ari gara. Beraz, orain, pil-pilean ditugun emozioak aztertu eta geure buruari nola gauden galdetzeko momentua iritsi zaigu. Nola etorri naiz ikastolara?
Pozik ikusi ditugu gehienak, alai, jolastu eta salto egiteko gogoz, lagunekin jolasean aritu eta kontuak esateko asmoz. Baina batzuetan triste gatoz, besterik gabe, oso ondo zer pasatzen zaigun jakin gabe edo triste egoteko arrazoia dugulako. Horiek identifikatzen lagunduko digu KOLORETAKO MUNSTROAK. Izan ere, zer pasatzen zaigun ez badugu ondo ulertzen, ez dugu ondo funtzionatzen. Eskerrak... bide horretan lagunduko diguten pertsonak ditugun!
iruzkinik ez:
Argitaratu iruzkina